Համագործակցության նոր եզրեր

Առողջապահության նախարար Հարություն Քուշկյանն ընդունել է Հայաստանի Հանրապետությունում Իսրայելի արտակարգ և լիազոր դեսպան Շմուել Մեյրոմին:

Ողջունելով դեսպանին` նախարարը ներկայացրել է մինչ այժմ երկու պետությունների միջև գործող համագործակցության ծրագրերը: Մասնավորապես, նախարարը նշել է տարբեր տարիներին  առողջապահության ոլորտում ստորագրած համաձայնագրերի, ծրագրերի մասին:

Իսրայելի առողջապահության բնագավառի ձեռքբերումներն ու դրական փորձը Հայաստանում կիրառելու նպատակով ՀՀ առողջապահության նախարարությունը համագործակցության առաջարկ է ներկայացրել իսրայելական կողմին:

Դեսպանը շնորհակալություն է հայտնել առողջապահության նախարարին հատկապես վերջին 5 տարիներին սերտ համագործակցության համար և հույս հատնել, որ առաջիկայում այն ավելի լայն շրջանակներ կընդգրկի, մասնավորապես` ուռուցքաբանության ասպարեզում:

Շմուել Մեյրոմն առաջարկել է նախարար Քուշկյանին հայկական կողմի համագործակցության առաջարկները մանրամասնել և նշել հստակ այն ուղղությունները և ոլորտները, որտեղ կուզենային համագործակցել: Դեսպանը հավելել է, որ այս ընթացքում կկազմակերպվեն փոխադարձ այցելություններ:

Առողջապահության նախարարը նշել է, որ հայկական կողմը հետաքրքրված էուռուցքաբանության, ոսկրածուծի փոխպատվաստման, մոր և մանկան առողջության պահպանման, ինչպես նաև առողջապահության համակարգի ֆինանսավորման մեխանիզմների բարելավման ուղղությամբ համագործակցություն ծավալելու առումով:

Կողմերը պատրաստակամություն են հայտնել փոխգործակցությունն ընդլայնելու և արդյունավետ աշխատելու համաշխարհային կազմակերպության տեղեկատվական միջոցներով:

Հարցեր, պատասխաններ, մեկնաբանություններ